Ən çox verilən suallar
Tikinti şirkəti mənə məxsus evi söküb yerində bina tikmək istəyir. Verəcəyim evin əvəzində nə tələb edə bilərəm?
Tikinti şirkətindən nə tələb edə biləcəyiniz şirkətin həyata keçirdiyi layihənin növündən asılıdır. Layihənin 3 növü vardır: 1. Dövlət ehtiyacları ( kommunal xətlərin, magistral yolların çəkilişi vəs). Bu halda AR Nazirlər Kabinetinin və AR Maliyyə Nazirliyinin müəyyən etdiyi kompensasiya məbləği ödənilir, yəni yalnız pul şəklində. 2. Pilot layihə: bu zaman mənzilinizin sahəsinin üzərinə 20% əlavə sahə gəlməklə yeni tikiləcək binada təmirli mənzil verilir, siz mənzillə təmin edilənədək sizə kirayə haqqı verilir. 3. Kommersiya layihəsi: bu zaman tikinti şirkəti sizə mülkünüzün əvəzində qarşılıqlı razılaşma ilə istədiyiniz sahəni vəya kompensasiya məbləğini verməlidir.
Mənim 2 övladım var, ərim 700 manat maaş alır, boşanacağım təqdirdə nə qədər aliment ala bilərəm.
AR Ailə Məcəlləsinə görə 1 uşağa görə ərin aylıq qazancının 1/4 qədər, 2 uşağa görə 1/3 qədər, 3 və daha çox uşağa görə isə aylıq qazancının yarısı qədər aliment verilir. Uşaqlar üçün illik yaşayış minimumu AR Prezidenti tərəfindən 235 manat müəyyən edilmişdir. 2 uşağa görə bu məbləğ 470 manat etdiyindən məhkəmə ərin aylıq maaşının 470 manat hissəsini aliment kimi tutacaqdır.
Azərbaycanda ailə vəkili varmı, mən ailə işlərim üçün hüquqşünasla daimi əsaslarla müqavilə bağlaya bilərəmmi?
İnkişaf etmiş dünya ölkələrində olduğu kimi ölkəmizdə də ailənin hüquq məsələləri ilə məğul olması, vaxtaşırı yaranan suallara cavab verməsi və hüquqi yardım göstərməsi üçün vəkillə daimi əsaslarla müqavilə bağlamaq mümkündür. Müqavilə qiymətini aylıq vəya illik fiks məbləğdə müəyyən etmək olar. Ailə vəkilinin olması yaranan və ya yarana biləcək hüquqi risklərdən sığortalanmaq deməkdir.