Rightwellton hüquq şirkəti yerli bazarda fərdi və korporativ hüquq sahələrində keyfiyyətli xidmət anlayışını yeniləmək və bazar iştirakçılarına yeni xidmətlər təqdim etmək məqsədi ilə yaranmışdır. Pandemiyanın bir çox yerli bazar iştirakçılarına olan maddi və psixoloji təsiri bizə də öz strategiyamızda müəyyən dəyişikliklər etməyə sövq etdi. Bu gün bazar iştirakçıları daha seçici və diqqətli davranırlar.

 

Artıq müxtəlif biznes vahidləri tərəfdaş seçimində fərdi yanaşma, peşəkarlıq və dəyər kimi meyarlara daha çox üstünlük verməyə başlamışdırlar. Bu da bizə müştərilərə mövcud vəziyyətlərinə görə düzgün xidmət və vaxtında məlumat təqdim etməyə imkan yaratmışdır.

 

Biz yeni uğurlara imza atmağın yolu kimi kadr siyasətimizdə “müxtəliflik” prinsipi formalaşdırmışıq. Çünki müxtəliflik olmasa, yeni təşəbbüslərə başlamaq və ya şirkətlərimizi növbəti mərhələyə qaldırmaq çətin olacaq. Müxtəliflik biznes vahidlərinin sağ qalması üçün vacibdir. Bir çox proqnozlar hüquq sahəsinin inkişafına müsbət baxmasalar da, gələcəkdə bu sektorlar üçün sonsuz imkanlar yaranacağına inanırıq. Biz hər bir müştərimizə yalnız onlar üçün hazırlanmış xüsusi xidmətlər və həllər təqdim etməyi hədəfləyirik.